Батыр округы  Озын  Куак  авылында Г.М. Араев истәлегенә ирекле көрәш буенча турнир узды. Турнирда округның төрле авылларыннан 80нән артык спортчы катнашты. Алар 25 кг дан 72 кг га кадәрге 16 авырлык категориясендә җиңү өчен көрәштеләр. Турнир Чувашия Республикасының атказанган укытучысы һәм РСФСРның спорт мастеры Гилачетдин Минач улы Араев истәлегенә багышланды. Ул математика укытып кына калмый, балаларга спортка мәхәббәт тә тәрбияли. Аның заманында көрәш белән авылның яртысы диярлек шөгыльләнгән  диләр! Турнир ачылышында кунакларны һәм катнашучыларны Батыр муниципаль округы башлыгының беренче урынбасары Фәнил Алиуллов сәламләде. Мөхтәрәм кунаклар да бар иде-билбау көрәше буенча дөнья Кубогы җиңүчесе Шамил Вахитов һәм ирекле көрәш буенча Россия Кубогы бронза призеры Әхмәт Арданов. Мондый ярышлар - медальләр һәм кубоклар турында гына түгел. Бу традицияләргә хөрмәт, чын остазлар турында хәтер һәм, әлбәттә, сәламәт буын турында.