Бүгүн А.И.Пахомов аатынан Антоновка спорт саалатыгар улуус Сүбэтин бэрэссэдээтэлэ, СӨ норуотун хаһаайыстыбатын үтүөлээх үлэһитэ, улуус бочуоттаах олохтооҕо Сергей Иванович Евсеев кэриэһигэр волейболга аһаҕас зональнай күрэхтэһии үөрүүлээхтик аһыллыытыгар кытынным. Улуус Сүбэтин волейболга Кубогар зональнай күрэхтэһиигэ эр дьон 6 хамаандата уонна дьахталлар 9 хамаандалара күрэхтэһэллэр. Эдэр сааһыттан улахан эппиэттээх дуоһунастарга ситиһиилээхтик үлэлээн, төрөөбүт оройуона сайдарын туһугар улахан кылааты киллэрбит үтүөкэн табаарыспыт Сергей Иванович туһунан сырдык өйдөбүлү сүрэхпитигэр илдьэ сылдьан, кини аатын үйэтитэр үлэни ыытыахпыт.