Ньурбаҕа улууспут тэриллибитэ 200 сылыгар аналлаах "Бүлүү Кубога-2024" аһаҕас ат сүүрдүүтэ түмүктэннэ. Уус-Алдан, Хаҥалас, Сунтаар, Үөһээ Бүлүү уонна Бүлүү улуустара сүүрүк аттарын илдьэ кэлэн тэрээһини киэргэттилэр. Хас дистанция кыайыылаахтарыгар уонна призердарыгар ботуччу бириистэри туттардыбыт. Ону таһынан "АЛРОСА" АК , "Саха сүөһүтэ" ГКП тэрилтэ уо.д.а. анал бириистэри туруордулар. Ас-үөл уонна булт лицензиятын аукциона тэриллэн, киирбит үп СВО кыттыылаахтарыгар уонна кинилэр дьиэ кэргэттэригэр көмө улуустааҕы фондатыгар ананна. Түмүккэ уустар Сата тааһыттан тимир болгуо таһааралларыгар кытынным. Киэҥ программалаах "Бүлүү Кубога-2024" аһаҕас ат сүүрдүүтүн тэрээһиннэригэр көмөлөспүт уонна кыттыспыт улуустарга, тэрилтэлэргэ уонна биирдиилээн дьоҥҥо дириҥ махталбын тиэрдэбин. "Бүлүү Кубога" эһиил Сунтаарга ыытылларынан сибээстээн, Сунтаар улууһун делегациятыгар туттардым. Ньурбаттан былырыын саҕаламмыт бу дьоһун тэрээһин салгыы сайдан, далааһыннанан иһиэхтин!